काभ्रे,
काभ्रे जिल्लाको तेमाल गाउँपालिकामा रासायनिक मलको वितरणलाई सहज एवं व्यवस्थीत गर्नका लागि अन्तरक्रिया तथा छलफल गरिने भएको छ । गाउँपालिका भित्रका विभिन्न वडाहरुमा रासायनिक मलको वितरणलाई सहज र व्यवस्थित गर्नका लागि गाउँपालिकाले यहि श्रावण २५ गते बिहिवारका दिन गाउँपालिका भित्र रासायनिक मल खरिद तथा बिक्री वितरण गर्ने सम्पूर्ण सहकारीका अध्यक्ष वा प्रतिनिधिहरुसँग अन्तरक्रिया तथा छलफल गर्न लागेको हो ।
साथै सोहि दिन विक्रेता प्रमाणपत्र नविकरण कार्यक्रम समेत रहेकाले रासायनिक मल खरिद तथा बिक्री वितरण गर्ने सम्पूर्ण सहकारीका अध्यक्ष वा प्रतिनिधिहरुलाई आवश्यक कागजातहरुः रसायनिक मल विक्रेताको सूचिमा दर्ता गरि जारी गरिएको सक्कल प्रमाण पत्र , गत आ.व. २०७९÷०८० मा विक्रि वितरण गरिएको रसायनिक मलको सम्पूर्ण विवरण (कृषि सामाग्री कम्पनी धुलिखेल तथा साल्ट ट्रेडिङ कम्पनी बनेपा को कारोबार छुट्टाछुट्टै विवरण) , स्थायी लेखा नम्बर दर्ताको प्रतिलिपि , गत आ.व. को लेखा परिक्षण प्रतिवेदन साथै कर चुक्ता प्रमाणपत्र को प्रतिलिपि र सम्बन्धित वडा कार्यालयको डिलरसिप नविकरण गरिदिने व्यहोराको सिफारिस पत्र सहित गाउँपालिकाको सभाहलमा अनिवार्य उपस्थितिको लागि अनुरोध गरिएको छ ।
