नव प्रतिभा अङ्ग्रेजी माध्यमिक विद्यालयमा खेलकुद सप्ताह सुरु

काभ्रे,

नमोबुद्ध नगरपालिका वडा नं ७ भकुण्डेबेशीमा अवस्थित श्री नव प्रतिभा अङ्ग्रेजी माध्यमिक विद्यालयमा खेलकुद सप्ताहको समुद्घाटन भएको छ । “खेलले बढाउँछ सान, स्वास्थ्य र अनुशासन” भन्ने मूल नाराको साथ सुरु भएको खेलकुद सप्ताहको आज विद्यालयका सञ्चालक सन्तोष अधिकारीले रिबन काटेर विधिवत रुपमा उद्घाटन गर्नुभएको हो ।
हरेक बालबालिकामा कुनै न कुनै क्षमता हुने भएकाले विद्यार्थीहरुमा रहेको खेलप्रतिको रुचिलाई निखार्न, अनुशासन र सामूहिक एकताको भावना अभिवृद्धि गराउँदै खेलको माध्यमबाट आफ्नो राष्ट्रको लागि योगदान दिन सक्ने नागरिक निर्माण गराउने उद्धेश्यका साथमा विविध खेलहरुलाई समावेश गरी खेलकुद सप्ताहको आयोजना गरिएको विद्यालयका सह–प्रधानाध्यापक विवेक कुमार तामाङले बताउनुभयो ।