काभ्रे,
नेपालमा पूर्ण स्तनपान गराउने आमाको सङ्ख्या घट्दै गएको छ । सन् २०१६ मा ६६ प्रतिशतले पूर्ण स्तनपान गराएकामा ६ वर्षपछि घटेर अहिले ५५ प्रतिशतमा झरेको छ । कामकाजी आमाहरूले कार्यस्थलमै आफ्ना शिशुलाई दुध खुवाउनै नपाउने अवस्था छ । जसका कारण शिशुलाई आमाको दुधको सट्टा बजारमा पाइने अन्य खानेकुरा खुवाउने दर १२ बाट बढेर २२ प्रतिशत पुगेको छ । नेपाल जनसाङ्ख्यिक तथा स्वास्थ्य सर्वेक्षण (एनडीएचएस) २०२२ ले सन् २०१६ को तुलनामा स्तनपान गराउने आमाको सङ्ख्या १० प्रतिशतले घटेको छ ।
“सरकारले यस वर्ष स्तनपानमैत्री कार्यस्थलको सुनिश्चितता सधै सरोकारवालाको प्रतिबद्धता” भन्ने नारा दिएर स्तनपान सप्ताह मनाइरहेको छ । तर कामकाजी महिलाका लागि नारा कार्यान्वयन हुन सकेको छैन् । शिशु जन्मिएको एक घन्टाभित्रै र दिनमा ८ देखि १२ पटकसम्म अनिवार्य आमा दुध खुवाउनुपर्ने स्वास्थ्यकर्मी बताउँछन् ।
