काभ्रे,
नेपाली कांग्रेस काभ्रेले आगामि मंसिर ४ मा हुने प्रतिनिधि सभा र प्रदेश सभा सदस्य निर्वाचनका लागि नाम सिफारिसको टुंगो लगाएको छ। शुक्रबार प्रतिनिधि सभा क्षेत्र न १ को क्षेत्रीय कार्यसमितिले प्रतिनिधि सभा र प्रदेश सभाको टुंगो लगाएको थियो भने शनिबार (आज) प्रतिनिधि सभा क्षेत्र न २ को क्षेत्रीय कार्यसमितिले पनि उम्मेदवारको लागि नाम सिफारिसको टुंगो लगाएको छ । काभ्रे प्रतिनिधि सभा क्षेत्र न १ का लागि नेपाली कांग्रेस काभ्रे जिल्ला सभापति तिर्थ लामा सर्वसम्मत चयन हुनुभएको छ । क्षेत्र नं.२ मा भने प्रत्यक्ष तर्फ मधु प्रसाद आचार्य,शिव प्रसाद हुमागाई, अच्युत प्रसाद पौडेल, ठाकुर प्रसाद पौडेल र रामजि पन्त मुकेश को नाम सिफारिस गरेको छ । पाँच जनाको नाम सिफारिस भए तापनि वर्तमान केन्द्रीय सदस्य मधु प्रसाद आचार्य र निवर्तमान केन्द्रीय सदस्य शिव प्रसाद हुमागाई मध्ये एक जनाले टिकट ल्याउने आंकलन गरिएको छ ।
क्षेत्रीय समितिबाट सिफारिस भएर आएको नामहरुमा जिल्लाले आफ्नो राय सहितको सिफारिस बागमति प्रदेश कार्यसमितिमा भोली सम्ममा गरि सक्ने नेपाली कांग्रेस जिल्ला सचिव गुणराज मुक्तानले जानकारी दिनुभएको छ । गठबन्धन कायम हुँदा काभ्रेमा रहेको दुई वटा प्रतिनिधि सभा निर्वाचन क्षेत्र मध्ये एक वटा निर्वाचन क्षेत्र कांग्रेसले छाड्नु पर्ने देखिन्छ । अझै पनि क्षेत्र नं. १ कि २ छाड्ने भन्ने कुराको टुंगो लागि नसकेको नेपाली कांग्रेस काभ्रेले जनाएको छ । प्रतिनिधि सभा क्षेत्र नं.१ काभ्रेमा नेपाली कांग्रेसले उम्मेदवारी पाउने कांग्रेस नेताहरुको दावी छ ।
