काभ्रे,
काभ्रे प्रहरीले पनौती नगरपालिका वडा नम्बर ५ आईटी पार्क क्षेत्रबाट ७३ बोरा गाँजा बरामद गरेको छ । पनौती–बनेपा सडक खण्डमा सवारी जाँचको क्रममा पनौतीबाट बनेपा तर्फ आउँदै गरेको बा ६ च २९६ नम्बरको डिआई गाडिमा प्लाष्टिकको बिभिन्न साईजको ७३ बोरामा २८५ केजी गाँजा बरामद भएको जिल्ला प्रहरी कार्यालय काभ्रेपलाञ्चोकले जनाएको छ । प्रहरीले गाडी सहित ३ जनालाई नियन्त्रणमा लिएको छ ।
पक्राउ पर्नेहरुमा नुवाकोट जिल्लाको बिदुर नगरपालिका वडा नम्बर ११ घर घर भई हाल ठमाण्डौको बालाजुमा डेरा गरी बस्ने ३५ बर्षीय बुद्धमान तामाङ, रामेछाप नगरपालिका वडा नम्बर ८ घर भई हाल काठमाण्डौको बालाजुमा डेरा गरी बस्ने २० बर्षीय संजिब तामाङ र रामेछाप नगरपालिका वडा नम्बर ८ घर भई हाल काठमाण्डौ बालाजु डेरा गरी बस्ने ५३ बर्षीय बिमला तामाङ रहेका छन् । उनीहरुलाई ईलाका प्रहरी कार्यालय बनेपामा राखिएको छ ।
