काभ्रे,
पछिल्लो समयमा बालबालिकाका लागि मोबाइल छाड्नै नसक्ने लत बन्दै गएको छ । नेपाल दुर सञ्चार प्राधिरणका अनुसार नेपालमा हाल नेपाल टेलिकम, एनसेल र स्मार्ट टेलिकमका गरी कुल प्रयोगकर्ता ४ करोडभन्दा बढी छन् । सन्देश वा खबर आदनप्रदान गर्नकै लागि प्रयोगमा आएको मोबाइल बालबालिकाको लागि नराम्रो लत बन्दै गएपछि अभिभावकहरूको चिन्ता बढ्दै गएको छ ।
बालबालिकालाई खाना खुवाउनदेखि फकाईफुल्याई गर्न पनि मोबाइल नै देखाउनु पर्ने बाध्यता बन्दै गएको छ । हरेक अभिभावकका लागि बालबालिकाको मोबाइलप्रतिको आकर्षण चिन्ताको विषय बनेको छ । छुटाउनै नसक्ने लत मोबाइल बन्दा यसबाट बालबालिकाले ज्ञानबद्र्धक धेरै कुरा सिक्न सक्ने पनि विज्ञहरू बताउँछन् । तर कति समय मोबाइल प्रयोग गर्न दिने, कस्ता सामग्री हेर्न सुझाव दिने वा देखाउने लगायतका कुरामा अभिभावक स्वंयले ध्यान दिनुपर्ने जानकारहरू बताउँछन् ।
