काभ्रे,
आफुहरुको माग पुरा नभएको भन्दै स्थानीयले आज फेरी बीपी राजमार्गको धुलिखेल स्थित चौकोटमा सडक अवरुद्ध पारेका छन् । पिच सडक भत्काएर राजमार्गमा धुँलो र हिलो हुने गरेर अलपत्र छोडेको विरोधमा स्थानीयले सडकमा उत्रिएका हुन् । यो राजमार्गको चौकोटदेखि सारदा बतासे खण्डसम्ममा झण्डै दुई किलो मिटर सडक क्षेत्रमा पिच उत्काइएको छ । तत्काल पिच गर्ने भन्दै रातारात भएको पिच उप्काइएको तर पिच नभएपछि स्थानीय आन्दोलनमा उत्रिएका हुन् । स्थानीयको अवरोधका कारण बीपी राजमार्ग हुँदै राजधानी प्रवेश गर्ने र बाहिरीने सवारी साधन रोकिएका छन् ।
यसअघि पनि उनीहरुले यो सडक अवरुद्ध गरेका थिए । त्यो बेला धुलो कम गर्नका लागि दैनिक पानी हाल्ने सहमतिपछि अवरुद्ध सडक खुलेको थियो ।
