काभ्रे,
काभ्रे जिल्लाको पाँचखाल नगरपालिका वडा नं १२ मा श्रीमानको पिटाईबाट श्रीमतीको मृत्यु भएको छ । देवीराज भेटवालको घरमा डेरा गरी बस्ने ३६ वर्षीय हरी माझीले २६ वर्षीया श्रीमती कुमारी माझीलाई टाउकोमा चिर्पट दाउराले प्रहार गर्दा गम्भिर घाईते कुमारीकोे धुलिखेल अस्पतालमा उपचारको क्रममा आज बिहान २ बजेर ११ मिनेटमा मृत्यु भएको बालुवा प्रहरीले जनाएको छ ।
श्रीमान हरी माझीलाई बालुवा प्रहरीले नियन्त्रणमा लिएको छ । उनले श्रीमतीलाई चिर्पट प्रहार गर्नुको कारण नखुलेको र घटनाबारे अनुसन्धान भइरहेको प्रहरीले जनाएको छ ।
