काभ्रे ÷देबराज उप्रेती,
नेपालीहरुको दोस्रो ठूलो चाड तिहारको अवसरमा जनक मा वि का बिद्याार्थीहरु भूकम्प प्रभावित जिल्लाका नागरीकहरुको सहयोका निम्ति जुटेका छन् । काभ्रे जिल्लाको नमोबुद्ध नगरपालिका–४ स्थित जनक मा वि ले ‘बृहत देउसी भैलो तथा साँस्कृतिक कार्यक्रम’ मार्फत भूकम्प प्रभावित जिल्लाको लागि राहत रकम संकलन गरेको छ । जनक मा वि एवं जनक बहुमुखी क्याम्पस , नमोबुद्ध नगर पतञ्जली योग समिति तथा भकुन्डेबेसी जेसीजको आयोजना उक्त कार्यक्रम गरीएको हो ।
हिजो र आज गरी दुई चरणमा कार्यक्रम सञ्चालन गरीएको थियोे । हिजो पहिलोदिन वडा नं २ चिस्यान र आज अन्तिम दिन वडा न ७ नौबिसे र भकुन्डे बजारमा गरीएको कार्यक्रमबाट जम्मा १२ लाख ६ हजार रुपैया रकम संकलन भएको बिद्यालयका शिक्षक हरीहर अधिकारीले जानकारी दिनुभयो । यो रकम केहि दिनमै प्रधानमन्त्री दैवी प्रकोप उद्दार कोषमा जम्मा गरीने उँहाको भनाई छ । भूकम्पमा परी घाइते भएकाहरुकोे राहत तथा उद्धार, स्वास्थ्य उपचारमा केहि मात्रामा भएपनि सहयोग पुर्याउने उदेस्यले देउसी भैलो मार्फत रकम संकलन गरीएको शिक्षक हरीहर अधिकारीले बताउनुभयो ।
कार्यक्रममा देउसीभैलोका साथसाथै बिध्यार्थिहरुले नेपाली परम्परा झल्कने नृत्य एवम् खैजेडि भजन टोलिले खैजेडि भजन प्रस्तुत गरेका थिए ।
कार्यक्रममा नमोबुद्ध नगरप्रमुख कुन्साङ लामा , वडा नं ७ का वडा अध्यक्ष धर्म लामा , वडा नं ३ का वडा अध्यक्ष रमेस तिवारी ,बिभिन्न वडाका वडाअध्यक्ष, समाजसेवी ब्यक्तिहरु, बिद्यालयका शिक्षक लगायत स्थानियहरुको उल्लेख्य मात्रामा सहभागिता रहेको थियो ।
गत शुक्रबार १७ गते मध्यराती जाजरकोटको रामीडाँडा केन्द्रबिन्दु भएर गएको ६ दशमलव ४ रेक्टर स्केलको भूकम्पबाट ठूलो मात्रामा जनधनको क्षति भएको थियो । हालसम्म भूकम्पमा परी मृत्यु हुनेको सङ्ख्या १५७ पुगेको छ भने ३७५ भन्दा बढि घाइते भएका छन् ।
