रेडियो रोशी,
काभ्रे जिल्लाको बनेपा नगरपालिका–१३ स्थित अरनिको राजमार्ग अन्तर्गत भैसीपार्टीमा मोटरसाइकल र ट्रक ठोक्कीदा मोटरसाईकल चालकको मृत्यु भएको छ ।
इलाका प्रहरी कार्यालय बनेपाका अनुसार बनेपाबाट काठमाडौ तर्फ जादै गरेको बागमती प्रदेश ०२–०३४ प ११६७ नम्बरको मोटरसाईकल अनियन्त्रित भई विपरित दिशाबाट आउदै गरेको बा प्र ०३–००१ ख १५८६ नम्बरको १० चक्के ट्रकको मुनी छिर्दा धुलिखेल वडा नम्बर ८ का २१ बर्षीय अभिषेक न्यौपानेको मृत्यु भएको हो । प्रहरीले जनाए अनुसार दुर्घटनामा गम्भिर घाईते भएका न्यौपानेको उपचारको लागि धुलिखेल अस्पताल पठाईएकोमा मृत्यु भएको हो । मोटरसाईकल अनियन्त्रित भई विपरीत दिशाबाट सवार ट्रकमुनि मोटरसाइकल छिर्दा मोटरसाइकल चालकको मृत्यु भएको प्रहरीले जनाएको छ । दुर्घटना भएको मोटरसाईकल र ट्रक इलाका प्रहरी कार्यालय बनेपामा राखिएको छ । ट्रक चालक प्रहरीले नियन्त्रणमा लिई दुर्घटना बारे थप अनुसन्धान भइरहेको बताइएको छ ।
