काभ्रे,
बर्षातको समयमा पहिरो र बढीले राजमार्ग अबरोधको समस्या हटाउन रोशी गाउँपालिकाले तयारी अबस्थामा हेभी उक्युपमेन्ट राखेको छ । सडक अबरोध भएमा तुरुन्त अबरोध हटाउनको लागि भन्दै जेसिबी तयारी अबस्थामा राखेको हो । केहिदिन अगाडि परेको अविरल बर्षाको कारण रोशी गाउँपालिका वडा न ११ स्थित अस्था पुल बगाएपछि करिब ७ घन्टा राजमार्ग अबरोध भएको थियो । जनप्रतिनिधि, स्थानीय र सुरक्षाकर्मीहरु खटी बैकल्पिक बाटो बनाइ राजमार्ग सुचारु गरेको थियो ।
त्यस्तै अबस्था नहोस भन्नको लागि राजमार्गमा जेसिबी स्ट्यान्डबाइ राखेको गाउँपालिकाका अध्यक्ष दिनेश लामाले जानकारी दिनुभयो । ‘राजमार्ग अबरोध भएर कुनैपनी यात्रुहरू समस्यामा नपरुन भन्नको लागि राजमार्गमा जेसिबी तयारी अबस्थामा राखेको हो’ केही दिन अगाडि बाढिको कारण अबरोध भएर खुलाएको सडक हेर्न पुग्नुभएका गाउँपालिका अध्यक्ष लामाले भन्नुभयो । ‘झरी पर्न थालेपछी कहाँ के भयो कि भन्ने चिन्ता लाग्छ । ’
