यश कुमार परियार–जेठ १८,
२०७७,काभ्रे/

जिल्लाको रोशी गाउँपालिका र नमोबुद्ध नगरपालिका बिच कोरोना संभावित बिरामी बोक्ने एम्बुलेन्सको बिषयमा सहमति भएको छ । आज नमोबुद्ध नगरपालिकाका नगरप्रमुख टि.पि.शर्मा तिमल्सिना र रोशी गाउँपालिकाकी उपाध्यक्ष लक्ष्मी कुमारी बर्तौला बिच यस बिषयमा सहमती भएको हो ।

कोरोना भाईरस अर्थात कोभिड–१९ ले देश आक्रान्त भईरहेको बेलामा दुई पालिका बिच कोरोना भाईरस संभावित बिरामी र अन्य बिरामी बोक्ने एम्बुलेन्सको बिषयमा समन्वय भएको रोशी गाउँपालिकाकी उपाध्यक्ष बर्तौलाले जानकारी दिईन् ।

अब देखि यस महामारीको समय अवधी भर दुई पालिकाको कोरोना संभावित विरामीलाई नमोबुद्ध नगरपालिकाको एम्बुलेन्सले बोक्ने छ भने त्यस भन्दा बाहेकका बिरामीलाई रोशी गाउँपालिकाको एम्बुलेन्सले बोक्ने सहमति भएको छ ।

हाल नमोबुद्ध नगरपालिकामा एक वटा एम्बुलेन्स सञ्चालनमा रहेको छ भने रोशी गाउँपालिकामा ३ वटा एम्बुलेन्स सञ्चालनमा रहेको छ । कार्यक्रममा नगरपालिकाका प्रमुख प्रशासकिय अधिकृत भोला प्रसाद चापाँगाई, नगरपालिकाका कर्मचारीको उपस्थिति रहेको थियो ।

Facebook Comments