काभ्रे,रेडियो रोशी,
काभ्रे जिल्लाको रोशी गाउँपालिकामा भोलि देखि आउँदो शुक्रबारसम्म पालिकाको बिभिन्न स्थानमा निःशुल्क आँखा शिविर सञ्चालन हुँदै छ । रेयूकाई एईको मासुनागा आँखा अस्पताल बनेपाको प्राविधिक सहयोग र रोशी गाउँपालिकाको आयोजनामा भोलि फागुन २ गतेबाट ४ गतेसम्म बिहान १० बजेबाट दिउँसो ३ बजेसम्म निःशुल्क आँखा शिविर हुन लागेको हो ।
शिविरको पहिलो दिन भोलि फागुन २ गते रोशी गाउँपालिका वडा नं ७ थान्सिङबेसी स्थित अमरनाथ प्रा.वि, पर्सि ३ गते रोशी–११ भिमखोरी स्वास्थ्य चौकीमा र ४ गते शुक्रबार रोशी–२ को वडा कार्यालयमा आँखा शिविर सञ्चालन हुँने भएको छ । शिविरमा आँखा जाँच सबैलाई निःशुल्क तथा रोशी गाउँपालिका भित्रका नागरिकहरुलाई निःशुल्क शल्यक्रियाको ब्यवस्था गरीएको गाउँपालिकाका प्रमुख प्रशासकीय अधिकृत राम बहादुर तामाङले हस्ताक्षर गर्नुभएको सुचनामा उल्लेख गरीएको छ । साथै सम्पूर्ण आँखाको समस्या भएका व्यक्तिहरुले उक्त शिविरमा सम्पर्क राखि मौकाको फाईदा उठाउनु हुन गाउँपालिकाले अनुरोध गरेको छ ।
