काभ्रे,
रामेछाप जिल्लामा पहिलो पटक महिला प्रमुख प्रशासकिय अधिकृतको रुपमा असली माया तामाङले नियुक्ति पाएकि छिन् । काभ्रेको नमोबुद्ध नगरपालिका वडा नं ११ घर भएकी तामाङ दोरम्बा शैलुङ गाउँपालिकामा महिला प्रमुख प्रशासकिय अधिकृत बन्न सफल भएकि हुन् । स्थानिय सरकार सन्चालनमा आएपछि जिल्लाका सबै स्थानिय तहहरुमा धेरै पुरुष प्रमुख प्रशासकिय अधिकृतहरु आएको भएपनि महिला प्रमुख प्रशासकिय अधिकृतमा पहिलो पटक तामाङले जिम्मेवारी सम्भालेकी छिन् ।
यहि साउन ११ गतेबाट दोरम्बा शैलुङ गाउँपालिकाको प्रमुख प्रशासकिय अधिकृतको जिम्मेवारी सम्भालेकी तामाङले नीती,विधि र पद्धतिमा रहेर काम गर्ने बताएकि छिन् । प्रमुख प्रशासकिय अधिकृतको जिम्मेवारी सम्भाल्दै उनले विकासका आयोजनाहरु असार अन्तिममा मात्रै सम्पन्न गर्ने परिपाटीलाई अन्त्य गर्दै समयमै कामहरु सम्पन्न गर्ने,कर्मचारीको अभाव भएपनि भएका कर्मचारीबाट छिटो छरितो ढंगले सेवा प्रवाहको व्यवस्था मिलाउने लगायतका महत्वपुर्ण योजनाहरु बनाएकि छिन् । प्रमुख प्रशासकिय अधिकृत तामाङले यस अघि नुवाकोटको पंन्चकन्या गाउँपालिका र काभ्रको धुलिखेल नगरपालिकामा पनि काम गदै आईरहेकि थिईन् ।
