काभ्रे,रेडियो रोशी,
इलाका प्रहरी कार्यालय मंगलटार काभ्रेपलाञ्चोकले “नागरिक सुनुवाई” कार्यक्रम गरेको छ । आज गाउँपालिका अध्यक्ष दिनेस लामाको प्रमुख आतिथ्यतामा इप्रका मंगलटारले रोशी–७ कटुन्जेवेशी स्थित रोशी मा.वि को सभाहलमा “नागरिक सुनुवाई” कार्यक्रम गरेको हो । कार्यक्रमको सुरुवातमा इलाका प्रहरी कार्यालय मंगलटार काभ्रेपलाञ्चोकका प्रमुख कृष्ण गिरिले इलाका प्रहरी कार्यालय मंगलटारको परिचय, रोशीमा शान्ती शुरक्षाको अवस्था, चोरी निकासी नियन्त्रणमा भए गरेका गतिबिधीहरु, नविनतम कार्यहरु, सवारी चेकजाचको अवस्था, बिपद ब्यवस्थापनमा इप्रका मंगलटारले गरेका कार्यहरु र आगामि दिनहरुका योजनाहरुको बारेमा प्रस्ट पार्नुभएको थियो ।
कार्यक्रमलाई सम्बोधन गर्नुहुदै गाउँपालिका अध्यक्ष दिनेस लामाले यस प्रकारको “नागरिक सुनुवाई” कार्यक्रमले आम नागरीकहरुमा सचेतना ल्याउन मद्धत पुग्ने बताउनुभयो । “नागरिक सुनुवाई” कार्यक्रम प्रत्येक महिना सञ्चालन गर्न सके अझ प्रभावकारी हुने बताउनुभयो ।
सुनुवाइमा बिद्यार्थीहरु र स्थानियहरुले अपराधिक गतिबिधि नियन्त्रणमा भएका प्रयासहरु, प्रहरीले बिद्यार्थी लक्षित गरेर गरेका कार्यक्रमहरु, प्राकृतिक बिपत्तिमा प्रहरीको भुमिका, साईबर अपराध नियन्त्रणमा भईरहेका प्रयासहरु लगायतका प्रश्नहरु गरेको थिए । त्यसैगरी बिद्यालयका प्र.अ रामसरण सिग्देलले बिद्यालय हाता भित्रै कतिपय बिद्यार्थीहरुले धुम्रपान र अबैध सामानहरु ल्याउने गरेको बताउनुहुदै यस्तो गतिबिधी रोक्न प्रहरीले के गर्न सकिन्छ भनेर प्रश्न गर्नुभएको थियो । अन्त्यमा बिद्यार्थीहरुको प्रश्न र जिज्ञाशाको प्रहरी कार्यालय मंगलटारका प्रमुख कृष्ण गिरिले क्रमस रुपमा जवाफ दिनुभएको थियो ।
कार्यक्रममा रोशी गाउँपालिकाका प्रमुख प्रसाशकीय अधिकृत शिव प्रसाद भन्तना, वडा अध्यक्ष अशोक गौतम, प्रहरी चौकी भकुन्डेवेशीका प्र.स.नी.महेस्वर अधिकारी, रोशी उद्योग बाणिज्य संघका अध्यक्ष मनिस बल, नमोबुद्ध नगरपालिकाका उप प्रमुख रत्न लामा, नमोबुद्ध–७ का वडा अध्यक्ष धर्म सि. लामा, नमोबुद्ध– ४ का वडा अध्यक्ष अर्जुन कार्की, नमोबुद्ध– १ का वडा अध्यक्ष प्रेम लामा लगायत बिद्यालयका शिक्षक शिक्षिकाहरु, बिद्यार्थीहरु, स्थानिय समाजसेवीहरु तथा अभिभावकहरुको सहभागिता रहेको थियो ।
