विपद्मा परी हालसम्म १ सय ८१ को मृत्यु, बागमतीमा ३२ पुग्यो

काभ्रे,

विपद्मा परेर हालसम्म १ सय ८१ जनाको ज्यान गएको छ । गत जेठ २८ गतेदेखि देशका विभिन्न स्थानमा आएको बाढी, पहिरोलगायतका विपद्मा परी १ सय ८१ जनाको मृत्यु भएको हो । विपदमा परी सबैभन्दा बढी गण्डकी प्रदेशमा ५५ जनाको मृत्यु भएको छ । त्यसैगरी लुम्बिनी प्रदेशमा ३५ जना, बागमती प्रदेशमा ३२ जनाको ज्यान गएको छ । कोशी प्रदेशमा २७ जना, सुदूरपश्चिम प्रदेशमा ११ जना, कर्णाली प्रदेशमा १० जना, मधेश प्रदेशमा ८ जनाको मृत्यु भएको छ ।
बाढी, पहिरोलगायतका विपद्मा परी काठमाडौं उपत्यकामा ३ जनाको मृत्यु भएको छ । यस अवधिमा विपद्का घटनाबाट ४ हजार ६ सय ८९ घर परिवार विस्थापित भएका छन् ।