रेडियो रोशी,काभ्रे
रोशी गाउँपालिकाकोले तामाङ समुदायको साँस्कृतिक पर्व सोनाम ल्होछारको उपलक्ष्यमा ३ दिन सार्वजनिक विदा दिएको छ । गाउँपालिकाले पालिकाभित्र बहुसंख्यक बसोबास गर्ने तामाङ समुदायको साँस्कृतिक पर्व २८६० औं डुग सोनाम ल्होछारको अवसरमा माघ २६ भोलि देखि २८ सम्म सार्वजनिक विदा दिएको हो । साथै ल्होछार पर्वको अवसरमा गाउँपालिकाले सम्पूर्ण रोशीबासी आमाबुबा, दाजुभाइ तथा दिदिबहिनीहरुमा हार्दिक मंगलमय शुभकामना व्यक्त गरेको छ ।
आज गाउँपालिकाद्धारा जारी सुचनामा ‘ यस रोशी गाउँपालिकाभित्र बहुसंख्यक बसोबास गर्ने तामाङ समुदायको साँस्कृतिक पर्व २८६० औं डुग सोनाम ल्होछार माघ २७ गते परेकोले उक्त पर्वको अवसरमा मिति २०८० माघ २६ देखि २८ सम्म ल्होछार पर्व मनाउन (गाउँ कार्यपालिकाको कार्यालय, वडा कार्यालयहरु, स्वास्थ्य संस्थाहरु, शैक्षिक संस्थाहरु र बैकं तथा वित्तीय संस्थाहरुमा अत्यावश्यक सेवा बाहेकका सेवा बन्द रहने) स्थानीय पर्व विदा दिइएको व्यहोरा सम्बन्धित सबैमा जानकारी गराईन्छ। साथै उक्त ल्होछार पर्वको अवसरमा सम्पूर्ण रोशीबासी आमाबुबा, दाजुभाइ तथा दिदिबहिनीहरुमा हार्दिक मंगलमय शुभकामना व्यक्त गर्दछौं।’ उल्लेख गरीएको छ ।
