रेडियो रोशी,
तेमाल गाउँपालिका वडा नं ३ सरमथली कुडुवालका कृषकहरुलाई तरकारीको बिउ वितरण गरीएको छ । आज वडा कार्यालयको बजेटबाट वडाका कृषकहरुलाई तरकारीको बिउ वितरण गरीएको हो । वडा भित्रका कृषकहरुको आवस्यकता र माग अनुसार बिभिन्न ६ प्रकारका तरकारीको बिउ वितरण गरीएको वडा अध्यक्ष बिष्णु बहादुर तामाङले जानकारी दिनुभयो । तरकारी रोप्ने सिजनलाइ मध्यनजर गरि धनीया , रायो साग , मुला , सिमि , बोडिको बिउ वितरण गरीएको उँहाले बताउनुभयो । ‘आज पहिलो दिन करिव दुई सय कृषकहरुलाई तरकारीको बिउ वितरण गरिएको छ ,भोलि र पर्सि गरेर वडा भित्रका सम्पुर्ण कृषकहरुलाई तरकारीको बिउ वितरण गर्ने योजना छ’– वडा अध्यक्ष तामाङले भन्नुभयो । कृषकहरुको माग अनुसार अन्य बिभिन्न जातका तारकारीको बिउ वितरण गरीने तामाङले बताउनुभयो । कृषकहरुको घरघरमा गई उत्पादन गरीएको तरकारीको अनुगमन गरि उत्कृष्ट कृषकहरुलाई प्रोत्साहन गरीने उँहाले बताउनुुभयो । कृषकहरुको आयआर्जनमा बृद्धि गराउन अध्यक्ष तामाङले यसअघि पनि मकै , मुला , गाँजर एंव किटनासक बिषादि वितरण गर्नुभएको थियो । उत्पादित तरकारीहरुको बजारीकरणको लागि पनि सक्दो पहल गर्ने वडा अध्यक्ष तामाङले बताउनुभयो ।
