काभ्रे,
काभ्रेका ८ स्थानिय निकायका २८ जना अपाङ्गता भएकाहरुलाई न्यानो कपडा वितरण गरिएको छ । २९ औ अन्तरास्ट्रिय अपाङ्ग दिवसको सन्दर्भमा आज बनेपाको विद्यासागर वोर्डिङ स्कुलमा आयोजित कार्यक्रममा उनिहरुलाई ज्याकेट वितरण गरिएको हो । रोटरी क्लब अफ बनेपा तथा बिद्यासागर बोर्डिङ स्कुलको आयोजना एवं रियल नेपालको समन्वयमा गरिएको कार्यक्रममा बिद्यासागर बोर्डिङ स्कुलका विद्यार्थिहरुलाई अपाङ्गता कसरि हुन्छ, अपाङ्ग हुनबाट कसरि बच्न सकिन्छ तथा सारिरिक अशक्तता एवं अपाङ्ग भएको व्यक्तिहरुलाई समाजमा घुलमिल कसरि गराउन सकिन्छ भन्नेबारे रियल नेपालका अध्यक्ष राजेन्द्र धिताल,रोटरि क्लब अफ बनेपाका प्रतिनिधि र बिद्यालयका प्रतिनिधिहरुले प्रशिक्षण समेत दिएका थिए ।
यस वर्ष समावेशी विकासका लागि रूपान्तरित समाधानः पहुँचयुक्त र समतामुलक विश्वका लागि उर्जावान सृजनशिलताको प्रावधान भन्ने नाराका साथ दिवस मनाइएको छ । नेपालमा सन् १९९२ देखि हरेक वर्षको ३ डिसेम्बर दिन संसारभरि विश्व अपाङ्गता दिवस मनाइन्छ ।
