काभ्रे,
तेमाल गाउँपालिकाले सामाजिक सुरक्षा भत्ता नवीकरणका लागि निवेदन दिनुहुँन गाउँपालिका भित्रका सम्बन्धित सबैमा आग्रह गरेको छ । आ.व २०८०÷०८१ को लागि सामाजिक सुरक्षा भत्ताबाट लाभग्राही व्यक्तिले स्वयम आफै उपस्थित भई आआफ्नो वडा कार्यालयमा मिति २०८०÷४÷१ गते देखि मिति २०८० ÷०५ मसान्त सम्म आवश्यक पर्ने कागजातहरु सहित नवीकरणको लागि निवेदन दिनुहुँन सम्बन्धित सबैलाई अनुरोध गरेको हो ।
गाउँपालिकाद्धारा जारी गरीएको सुचनामा भनिएको छ– ‘नेपाल सरकार, गृह मन्त्रालय, राष्ट्रिय परिचयपत्र तथा पञ्जिकरण विभागको मिति २०८०÷०३÷०३.(प.स.२०७९÷८० च.न.१६०) को सूचना अनुरुप सामाजिक सुरक्षा नियमावली, २०७६ को दोस्रो शंसोधन अनुसार नियम (९) को उपनियम (१) को नियम (८) अनुसार आ.व २०८०÷०८१ को लागि सामाजिक सुरक्षा भत्ताबाट लाभग्राही व्यक्तिले स्वयम आफै उपस्थित भई आआफ्नो वडा कार्यालयमा मिति २०८०÷४÷१ गते देखि मिति २०८० ÷०५ मसान्त सम्म सामाजिक सुरक्षा भत्ता नवीकरणको लागि निवेदन दिनुहुँन सम्बन्धित सबैमा जानकारी गराईन्छ। साथै सामाजिक सुरक्षा भत्ता वितरण कार्यविधि, २०७७ को दफा ४ को उपदफा ६ बमोजिम म्याद भित्र नवीकरण नभएका लाभग्राहीको लगत कट्टा गरीने व्यहोरा समेत सम्बन्धित सबैलाई जानकारी गराइन्छ ।’
सामाजिक सुरक्षा भत्ता नवीकरणको लागि आवश्यक पर्ने कागजातहरुः
१.सामाजिक सुरक्षा भत्ताबाट लाभान्वित व्यक्तिको नागरिकताको सक्कल प्रमाणपत्र,
२.सामाजिक सुरक्षा भत्ता कार्ड,
३.निवेदकको पासपोर्ट साइजको फोटो २ प्रति,
४.अपाङ्गको हकमा अपाङ्गता परिचयपत्र,
५.एकल महिलाको हकमा सम्बन्धित वडा कार्यालयको सिफारिस,
६.विधवा महिलाको हकमा पतिको मृत्युदर्ता प्रमाणपत्रको प्रतिलिपि,
७. दलित बालवालिकाको हकमा जन्मदतां र संरक्षकको नागरिकताको सक्कल प्रमाणपत्र,
