काभ्रे,
तथ्याङ्क विभागले २०७८ सालमा लिएको जनगणनाको अन्तिम प्रतिवेदन अनुसार काभ्रेपलान्चोक जिल्लाको कुल जनसंख्या ३ लाख ६४ हजार ३९ पुगेको छ । विभागले हिजो सार्वजनिक गरेको प्रतिवेदन अनुसार काभ्रे जिल्लामा पुरुष भन्दा महिलाको संख्या बढी देखिएको छ । प्रतिवेदन अनुसार जिल्लामा १ लाख ७८ हजार ९०९ पुरुष र १ लाख ८५ हजार १३० महिलाको जनसंख्या रहेको छ । ६ हजार २२१ जना महिलाको संख्या बढी रहेको हो । २०६८ सालमा काभ्रेको कुल जनसंख्या ३ लाख ८१ हजार ९३७ थियो भने अहिले २०७८ सालमा घटेर ३ लाख ६४ हजार ३९ पुगेको छ । १० वर्षमा –०.४६ प्रतिशत जनसंख्या कम भएको हो ।
तथ्याङ्क अनुसार जिल्लामा ० देखि ४ वर्षसम्म उमेर समुहका २४ हजार ५९९, ५ देखि ९ वर्षसम्मका २७ हजार २७९, १० देखि १४ वर्षका ३० हजार ७०, १५ देखि १९ वर्षका ३३ हजार १६२ रहेका छन् । त्यसैगरि २० देखि २४ वर्षका ३१ हजार ८११, २५ देखि २९ वर्षका ३० हजार ८४४, ३० देखि ३४ वर्षका २८ हजार ५२० र ३५ देखि ३९ वर्ष उमेर समूहका २७ हजार ५५४ जना रहेका छन् ।
