रेडियो रोशी,
आज ५९ औँ राष्ट्रिय बाल दिवसको अवसरमा काभ्रे जिल्लाको श्री जनक माध्यामिक विद्यालयमा बाल नृत्य प्रतियोगिता सम्पन्न भएको छ । यो वर्षको दिवसको नारा ‘बालबालिकामा लगानीः सुनिश्चित भविष्यको थालनी’ भन्ने तय गरिएको छ । नमोबुद्ध नगरपालिकाको आयोजना तथा श्री जनक माध्यामिक विद्यालयको सहजिकरणमा बाल नृत्य प्रतियोगिताको आयोजना गरीएको हो । नगर प्रमुख कुन्साङ लामाको प्रमुख आतिथ्यतामा नृत्य प्रतियोगिताका संचालन गरीएको हो । प्रतियोगितामा नगरपालिका भित्रका बिभिन्न १५ वटा विद्यालयको बिद्यार्थीहरुले नृत्य प्रस्तुत गरेका थिए । प्रतियोगितामा बनेपा अरुना एण्ड अनुश्का डान्स एण्ड म्युजिकका प्रशिक्षक सुदिप श्रेष्ठ र भिभिड डान्स स्टुडियो पनौतीका प्रशिक्षकआकृति पसछें ले निर्णायकको भुमिका निर्वाह गर्नुभएको थियो ।
प्रतियोगितामा श्री जनक माध्यामिक विद्यालयले प्रथम स्थान हासिल गरेको छ । भिमेस्वर आधारभुत बिद्यालय द्धितीय र दाप्चा माध्यामिक बिद्यालय तृतीय भएको छ । त्यसैगरी जनहित माध्यामिक बिद्यालयले सान्त्वना स्थान हासिल गरेको छ । प्रथम, द्धितीय तृतीय र सान्त्वना भएका बिद्यालयका बिद्यार्थीहरुलाई क्रमशः ६ हजार , ४ हजार , २ हजार र सान्त्वना स्थानको बिद्यालयलाई २ हजार नगद पुरस्कार प्रदान गरीएको नमोबुद्ध नगरपालिका बालमैत्री सहजकर्ता प्रमिला हुमागाईले जानकारी दिनुभयो ।
कार्यक्रममा नगर प्रमुख कुन्साङ लामाले ५९ औँ राष्ट्रिय बाल दिवसकाको शुभकामना दिँदै नमोबुद्ध नगरपालिकालाई बालमैत्री नगर घोषणा गर्नका लागि निरन्तर लागिपरेको बताउनुभएको छ । उँहाले बिद्यालय स्तरमै बालबालिकाहरुलाई उँनीहरुले पाउने हक र अधिकारको बारेमा बुझाउन शिक्षकहरुलाई आग्रह गर्नुभएको छ । नगरलाई बालमैत्री नगर घोषणा गर्नका लागि जनप्रतिनिधि तथा अभिभावकहरुको सक्रिय सहयोगको आवस्यक रहेको बताउनुभयो । नगरभित्र गरिबी कै कारण कोहि बालबालिकाहरु बिद्यालय भर्ना हुन नसक्ने अवस्थामा भए नगरपालिले सहयोग गर्ने प्रतिबद्धता जनाउनुभएको छ । कार्यक्रममा नगरपालिकाका उप प्रमुख रत्न बहादुर लामा, प्रमुख प्रशासकिय अधिकृत ईस्वरी ओझा , बिभिन्न वडाका वडा अध्यक्षअरु , बिभिन्न बिद्यालयका प्रअ हरु , शिक्षक , बिद्यार्थिहरुको सहभागिता रहेको थियो । नगरको महिला तथा बालबालिका शाखा प्रमुख तारा देवी सुनुवारले संन्चालन गर्नुभएको कार्यक्रममा प्रबिधिमा बिद्यालयका शिक्षक राजु काफ्ले (बयलघारी) रहनुभएको थियो ।
