काभ्रे,
जिल्ला समन्वय समिति काभ्रेपलाञ्चोकको प्राङ्गणमा आज तीज विशेष कार्यक्रम हुने भएको छ । जिसस र सञ्चारिका समूह काभ्रेले संयुक्त रुपमा कार्यक्रमको आयोजना गरेका हुन् । आज विविध सांस्कृतिक कार्यक्रम सहित कार्यक्रम गर्न लागिएको जिसस प्रमुख दिपक कुमार गौतमले जानकारी दिनुभयो । ‘मौलिक संस्कृतिलाई जोगाऔं, भड्किलो विकृतिलाई रोकौ’ भन्ने नाराका साथ हरितालिका तीज विशेष कार्यक्रम गर्न लागिएको हो ।
बिहान साढे ११ बजेदेखि शुरु हुने कार्यक्रममा कलाकारहरु नवराज घोरासाइने, मनिषा घोरासाइने, मञ्जु गौतम, भिमसेन खतिवडा, शरद हुमागाई र धनपति दाहालको प्रस्तुति रहेको छ । त्यस्तै काभ्रेपलाञ्चोक जिल्लाका कलाकारहरुको पनि प्रस्तुती रहने जिसस प्रमुख गौतमले बताउनुभयो ।
