रोशी–११ स्थित डम्फू पार्कमा ‘बृहत ल्होछार साङ्स्कृतिक महोत्सव–२०८०’ हुँदै

काभ्रे,

रोशी गाउँपालिका–११ कालढुङ्गा स्थित डम्फू जीवन्त संग्राहलय (डम्फू पार्क)मा बृहत ल्होछार साङ्स्कृतिक महोत्सव हुने भएको छ । २८६०औ डुग सोनाम ल्होछारको उपलक्ष्यमा रोशी गाउँपालिका र वडा न ११ को वडाको आयोजना तथा टाशी चुक्ला खाङ गुम्बा अध्ययन केन्द्रको समन्वयमा माग २२ गते महोत्सव हुने भएको हो । कार्यक्रमको उद्धघाटन बागमती प्रदेशका खानेपानी, उर्जा तथा सिंचाइ मन्त्री तिर्थ लामा र बागमती प्रदेश सदस्य रत्न ढकालले संयुक्त रुपमा उद्धघाटन गर्ने भएका छन ।
कार्यक्रममा वरिष्ठ कलाकार तथा राष्ट्रिय खेलकुद परिषदका पूर्व सदस्यसचिव युवराज लामा, जिल्ला समन्वय समिति काभ्रेका उपप्रमुख रिमबहादुर तामाङ, गाउँपालिका अध्यक्ष दिनेश लामा, गाउँपालिका उपाध्यक्ष मिमबहादुर वाइबा लगायतको उपस्थित हुने वडाध्यक्ष लालकुमार पाख्रीनले जानकारी दिनुभयो । प्रवचन र वाङसहित सुरु हुने महोत्सवमा दुई दर्जन भन्दा बढी राष्ट्रियदेखि स्थानीय कलाकारहरुले आफ्नो कला मार्फत रौनक दिने आयोजकले जनाएका छन ।
कलाकारहरु वरिष्ठ गायक तथा संगितकार चन्द्रकुमार दोङ, वरिष्ठ गायिका इन्दिरा गोले, चर्चित नायक अमीर दोङ, चर्चित गायक तथा संगितकार बैरागी मोक्तान, गायक तथा संगितकार प्रयास दोङ, गायक मदन घलान, गायक तथा संगितकार च्वाइस दोङ, गायक तथा संगितकार कोसिस थोकर, गायक तथा संगितकार सुशील लामा, गायक लनम लामा, मोडल रिया लामा, गायक अशोक मोक्तान, गायक शिखर मोक्तान, हास्यकलाकार गोकुल तामाङ, गायक मकर योन्जन, गायक ब्राण्डेड लामा, गायिका पुजा लामा, गायक विजय लामा लगायत स्थानीय कलाकारहरुको बेजोड प्रस्तुति रहने आयोजकको भनाइ छ ।