काभ्रे,
आगलागी पीडित सिलाई ब्यवसायी सुरेश परियारलाई नेपाल कपडा तथा सिलाई ब्यवसायी संघ काभ्रेले आर्थिक सहयोग हस्तान्तरण गरेको छ । कात्तिक १७ गते पाँचखाल नगरपालिका वडा–४, समाजकल्याण चोक स्थित न्यु रिदम टेलर्समा आगलागी भएको थियो । नेपाल कपडा तथा सिलाई ब्यवसायी संघ, काभ्रेले केन्द्रिय अध्यक्ष रामकृष्ण श्रेष्ठको उपस्तिथिमा संघका सदस्य परियारलाई आर्थिक सहयोग गरेका हो । संघले एक ट्रेलर्समा भएको आगलागीका पीडितलाई आर्थिक सहयोग गरेको नेपाल कपडा तथा सिलाई ब्यवसायी संघ, काभ्रेका अध्यक्ष सन्जिब बिक्रम थापाले जानकारी दिनुभयो ।
उँहाले आगोलागीबाट पीडित न्यु रिदम टेलर्सका संचालक सुरेश परियारलाई नेपाल कपडा तथा सिलाई ब्यवसायी संघ, काभ्रेले ५२,६००।– (बाउन्न हजार छ सय) सहयोग गरेको बताउनुभयो । उक्त सहयोग हस्तान्तरण कार्यक्रममा वरिष्ठ उपाध्यक्ष सुर्य थापा, सचिब गँगा तामाङ, सह–सचिब चेत महत, कोषाध्यक्ष मन श्रेष्ठ, सद्स्यद्वय राजकुमार जैरु र रमेश नेपालीको उपस्थिति रहेको थियो ।
