विभिन्न वहानामा सामुदायिक विद्यालयले शुल्क असुली गरेको अभिभावकहरुको गुनासो

काभ्रे,

विभिन्न वहानामा सामुदायिक विद्यालयले शुल्क असुली गरेको अभिभावकहरुले गुनासो गरेका छन् । सामुदायिक विद्यालयले विद्यार्थीसँग शुल्क लिन नपाउने भने पनि धेरै विद्यालयले शुल्क लिने गरेको अभिभावकले बताएका छन् । विद्यालयले विभिन्न शीर्षकमा विद्यार्थीसँग रकम लिने गरेको गुनासो अभिभावकको छ । नेपालको संविधानको धारा ३१ मा शिक्षाको मौलिक हकसम्बन्धी व्यवस्थाअनुसार आधारभूत तहसम्म निःशुल्क र अनिवार्य तथा मावि तहसम्म निःशुल्क शिक्षाको व्यवस्था छ ।
मन्त्रालयका सूचना अधिकारी शङ्कर अधिकारीले व्यवस्थापन समिति र विद्यालयको मिलेमतोमा विद्यार्थीका लागि नै भनेर शुल्क लिने गरेको बारेमा आफूहरू समक्ष पनि गुनासो आइरहेको बताउनुभयो । यसरी रकम लिने विद्यालयबारे स्थानीय तहमा उजुरी गर्न सकिने भए पनि विद्यालय सुधारका लागि विद्यार्थीबाट केही रकम उठाउन भने सकिने शिक्षा, विज्ञान तथा प्रविधि मन्त्रालयले जनाएको छ ।