यश कुमार परियार–कात्तिक २२,
२०७७,काभ्रे/

जग्गाको विषयमा विवाद हुँदा काभ्रे जिल्लाको रोशी गाउँपालिका वडा नं ११ भिमखोरी भैसे डाँडामा बञ्चरो प्रहार भएको छ ।

आज बिहान करीब ९ बजेको समयमा अन्दाजी २५–२६ वर्षका सुब्बा सार्कीले स्थानिय अन्दाजी ५५–६० वर्षका खड्का नेपालीलाई बञ्चरो प्रहार गरी गम्भिर घाईते बनाएको वडा अध्यक्ष मिलन लामाले जानकारी दिए । बञ्चरो प्रहार पछि बाबु अचेत अवस्थामा देखे पछि नेपालीका छोरा अन्दाजी २३ वर्षका सन्तोष नेपालीले बञ्चरो प्रहार गर्ने सार्कीलाई ढुङ्गाले हानेर गम्भिर घाईते बनाएको लामाले जानकारी दिए ।

घटना भएको देखे पछि स्थानियको सहयोगमा घाईते नेपालीलाई हेलिकप्टरबाट काठमाण्डौको ह्याम्स अस्पताल लगिएको र उपचार भईरहेको छ भने अर्का घाईते सार्कीको धुलिखेल अस्पताल लगिएको छ । दुवैको अवस्था चिन्ताजनक रहेको वडा अध्यक्ष लामाले बताए ।

घटना स्थलमा अहिले ईलाका प्रहरी कार्यलय मंगलटारका ईन्चार्ज सेखर खड्काको नेतृत्वमा ६ जनाको प्रहरी टोली खटिएको छ । सार्कीलाई ढुङ्गाले हानेर घाईते बनाउने सन्तोष नेपालीलाई नियन्त्रणमा लिएर थप अनुसन्धान भईरहेको ईन्चार्ज सेखर खड्काले जानकारी दिए ।

Facebook Comments