काभ्रे,
धुलिखेल नगरपालिका वडा नम्बर ११ पात्लेखेलमा योदा गाडीको ठक्करबाट एक जना पैदल यात्रुको मृत्यु भएको छ । आज विहान करिब ६ बजेर १० मिनेटमा अन्दाजी ५० बर्षीय यमुनाप्रसाद धितालको गाडीको ठक्करबाट मृत्यु भएको जिल्ला प्रहरी कार्यालय काभ्रेका प्रवक्ता प्रहरी नायब उपरिक्षक राजकुमार श्रेष्ठले जानकारी दिनुभयो ।
बनेपास्थित विन्धबासिनी बचत तथा ऋण सहकारी संस्थामा कार्यरत उनी कार्यालय बैठकमा सहभागी हुन त्यसतर्फ जाँदै गरेको बुझिएको छ । सार्वजनिक यातायात कुरिरहेको स्थानमा उँहालाई पिकअपले ठक्कर दिएको थियो । उपचारको लागि धुलिखेल अस्पताल लगिएको उँहालाई चिकित्सकले ६ बजेर ५५ मिनेटमा मृत घोषणा गरेका थिए । प्रहरीले गाडी र चालक नियन्त्रणमा लिएको छ ।
