काभ्रे,
नमोबुद्व नगरपालिकामा लैंगिक हिंसा विरूद्वको १६ दिने अभियान २०८१ को शुभारम्भ भएको छ । आज नगरपालिकाले १६ दिन सम्म चल्ने अभियानको शुभारम्भ महिला जनप्रतिनिधि ,महिला सस्थाका पदाधिकारी बिच अन्तर्किया कार्यक्रम गरेको छ । नगर प्रमुख कुन्साङ लामाले शान्तिको प्रतिक सेतो रिवन लगाएर दिप प्रज्वलन गरि अभियानको शुभारम्भ गर्नुभएको हो ।
कार्यक्रममा स्वागत मन्तव्य कार्यपालिका सदस्य शुशिला परियारले गर्नुभएको थियो भने कार्यपत्र मानव अधिकारकर्मी भोजराज तिमिल्सिनाले गर्नुभएको थियो ।
कार्यक्रमको उद्वेश्य माथि प्रकास पार्नुहुर्दैै नगरपालिकाका सबै वडाहरूमा एक÷एक दिने अभिमुखिकरण प्रति वडा ५० जना महिलाहरूको उपस्थितिमा हुने महिला बालबालिका शाखा प्रमुख तारा सुनुवारले जानकारी दिनुभयो ।
