काभ्रे,रेडियो रोशी,
रोशी गाउँपालिका स्थित खहरेपाँगु स्वास्थ्य चौकीमा एक दिने निःशुल्क आँखा शिविर सम्पन्न भएको छ। स्वास्थ्य सेवालाई समुदायको घरदैलोसम्म पु¥याउने उद्देश्यले रोशी गाउँपालिका र तिलगंगा आँखा अस्पतालको साझेदारीमा हिजो खहरेपाँगु स्वास्थ्य चौकीमा शिविर सञ्चालन भएको थियो । शिविरबाट ९९ जना स्थानीय बासिन्दाहरू प्रत्यक्ष रुपमा लाभान्वित बनेका छन् । जसमा १३ जनामा मोतिबिन्दु पहिचान भएको छ । उनीहरुलाई थप उपचारका लागि सिफारिस गरिएको छ । त्यस्तै शिविरमा उपस्थित अन्य सेवाग्राहीहरूलाई आवश्यकता अनुसार निःशुल्क औषधि उपचार प्रदान गरिएको छ ।
गाउँपालिकाले आगामी दिनहरूमा पनि तिलगंगा आँखा अस्पतालसँगको सहकार्यलाई निरन्तरता दिँदै यस्ता जनमुखी स्वास्थ्य कार्यक्रमहरू पालिकाका अन्य वडाहरूमा पनि सञ्चालन गर्ने लक्ष्य राखेको छ। आँखा जस्तो संवेदनशील अंगको उपचार गाउँमै पाउँदा स्थानीय जेष्ठ नागरिक तथा आर्थिक रूपले विपन्न परिवारहरू हर्षित देखिएका छन्।
