काभ्रे,
नेपाली कांग्रेसको पनौती–काठमाडौं सम्पर्क समिति पुनर्गठन गरिएको छ । आज पनौती नगरपालिका वडा नं ३ का वडा अध्यक्ष भगवान केसीको सभापतित्वमा काठमाडौंमा भएको भेलाबाट नेपाली कांग्रेसको पनौती–काठमाडौं सम्पर्क समिति पुनर्गठन गरिएको हो । कार्यक्रमको उद्धघाटन गर्दै नेपाली कांग्रेस जिल्ला सभापति एवं प्रतिनिधी सभा १ को प्रदेश सभा (ख) का सभापति तिर्थ लामाले संविधान भत्काउने र बचाउने विचको लडाई भएकोले संविधानको रक्षा, विकास र समृद्धीको लागि लोकतान्त्रिक–बाम गठबन्धनलाई विजयी गराउन अनुरोध गर्नुभएको छ । पुनर्गठन भएको सम्पर्क समितिको उपसभापतिमा बालकृष्ण हुमागाँई र राजु श्रेष्ठ, सचिवमा रुपक लामिछाने र डालिया सापकोटा, सहसचिव राहुल श्रेष्ठ र कोषाध्यक्षमा उमेशराज न्यौपाने रहेका छन् भने सदस्यहरुमा ज्ञानेन्द्र श्रेष्ठ, उद्धव सिं थापा, डा. रामनारायण श्रेष्ठ, अञ्जन केसी, गणेश आचार्य, विनोद सापकोटा, सुनिल दुवाल, सुमन लामिछाने, कुमार आचार्य, मञ्जु वञ्जारा, सन्देश हुमागाई, रवि तामाङ रहेका छन् ।
कार्यक्रममा कांग्रेस जिल्ला उपसभापति रमेशप्रसाद हुमागाई, कोषाध्यक्ष जगन्नाथ गिरी, प्रतिनिधी सभा क्षेत्र नं २ का सभापति महेश खरेल, प्रदेश सभा १ (ख) का सभापति चन्द्रबहादुर लामा, कांग्रेस नेता प्रकाश थापा, पनौती नगर सभापति रामशरण भण्डारी, सम्पर्क समितिका सभापति विदुर हुमागाँई, रिम हुमागाई लगायतले लोकतान्त्रिक–बाम गठबन्धनको विजय गराउनुपर्ने भएकोले सबै जना परिचालित हुन अनुरोध गर्नुभएको छ ।
