काभ्रे,
नमोबुद्ध नगरपालिका र रेयुकाई एईको मासुनागा आँखा अस्पताल बनेपा बिच निःशुल्क मोतियाबिन्दुको उपचारको लागि सम्झौता भएको छ । हिजो नगरप्रमुख कुन्साङ लामा र बनेपाको रेयुकाई एईको मासुनागा आँखा अस्पतालका अध्यक्ष मधुप्रसाद आचार्यले सम्झौतापत्रका हस्ताक्षर गर्नुभएको हो । सम्झौतापत्रमा हस्ताक्षर भएसंगै नगरबासीहरूले मोतियाबिन्दुको निःशुल्क उपचार पाउँने भएका छन् ।
नगरप्रमुख लामाले नगरभित्र मोतियाबिन्दु भएका सम्पूर्ण नगरबासीहरूलाई आ–आफ्नो वडा बाट सिफारिस लिई निःशुल्क मातिबिन्दुको उपचार गराउनुहुन हार्दिक अनुरोध गर्नुभएको छ ।
