नयाँ शैक्षिक सत्र सुरु भएको तीन महिना वितिसक्दा पनि कतिपय विद्यार्थीले पाठ्यपुस्तक नपाएको गुनासो

काभ्रे,

नयाँ शैक्षिक सत्र सुरु भएको तीन महिना वितिसक्दा पनि कतिपय विद्यार्थीले पाठ्यपुस्तक नपाएको गुनासो गरेका छन् । उनीहरूले पुस्तक अभावमा दैनिक पठनपाठनमै समस्या भएको बताएका छन् । पाठ्यपुस्तक छपाईको जिम्मा पाएको जनकशिक्षा सामग्री केन्द्रले भने पुस्तक छपाईको सुरुमै कागज अभाव हुँदा समस्या भएको दाबी गरेको छ ।
केन्द्रका सूचना अधिकारी चित्रकुमार आचार्यले अब छिट्टै विद्यार्थीको हातमा पाठ्यपुस्तक पुग्ने दाबी गर्नुभयो । जनक शिक्षाले चालू शैक्षिक सत्रका लागि १ करोड ९८ थान पुस्तक छाप्नुपर्ने भएपनि गत महिनामात्रै छापिसकेको बताएको थियो । विशेषगरी ८ कक्षामा अध्ययनरत विद्यार्थीले पाठ्यपुस्तक नपाएको गुनासो गरेका हुन् ।