काभ्रे,देबराज उप्रेती,
काभ्रे जिल्लाको भकुन्डेबेशीमा माईती नेपाल संस्थाले महिला बेचबिखन बिरुद्ध सडक नाटक प्रदर्शन गरेको छ । आज माईती नेपाल संस्थाले नमोबुद्ध नगरपालिकाका नगरप्रमुख कुन्साङ लामा,नगर युवा परिसर अध्यक्ष रामेश्वर अधिकारिको उपस्थिति एवं जनक मावि को कक्षा ८,९ र ११ का बिद्यार्थिहरुको सहभागीतामा जनचेतनामुलक कार्यक्रम गरेको हो । सडक नाटक प्रदर्शनमा शिक्षाको कमि र गरिविको कारण समाजमा हुनसक्ने घटनाहरुलाई प्रस्तुत गरिएको थियो । कार्यक्रममा बैदेसिक रोजगारिमा जादा हुनसक्ने बेचबिखनका घटनाहरुलाई माईती नेपाल संस्थाको आश्रयमा रहेका प्रतिनिधिहरुले उजागर गरिएको थियो । मानव बेचबिखन के हो? बेचबिखनमा परे के हुन्छ? र बेचबिखनमा पर्नु अगावै कसरि सचेत रहने भन्नेबारेमा केन्द्रिर रहेर नाटक प्रदर्शनि गरिएको थियो । “चेलिबेटि बेचबिखन गर्नेलाई सामाजिक बहिस्कार गर” भन्ने मुल नाराका साथ गरिएको सडक नाटक प्रदर्शनीमा नेपालमै पनि कार्यस्थलमै हुनसक्ने यौन शोषणलाई नाटकिय रुपमा देखाईएको थियो । बिसेसगरि बेचबिखन हुनसक्ने सम्भावित उमेर १० देखि ३५ बर्षसम्मका महिलाहरुलाई बेचबिखन सम्बन्धि जनचेतनाका लागि सडक नाटक प्रदर्शन गरिएको माईती नेपाल काभ्रे जिल्ला संयोजक सुमन दाहालले जानकारि दिनुभयो ।
कार्यक्रमलाई सम्बोधन गदै नगरप्रमुख कुन्साङ लामाले यस महिला बेचबिखन बिरुद्ध गरिएको सडक नाटक प्रदर्शनले आफुलाई भाबुक बनाएको बताउनुभयो । उँहाले हाम्रो नेपाली समाजमा असिक्षित, गरिवीको रेखामुनि रहेका महिलाहरु बैदेसिक रोजगारिमा राम्रोसँग नबुझी पलायन हुँदा हुनसक्ने बेचबिखनका घटनाहरुलाई प्रस्तुत गरिएकोप्रति माईती नेपाल संस्थाप्रति धन्यबाद ब्यक्त गर्नुभएको छ । प्रस्तुत गरिएको उक्त जनचेतनामुलक नाटकले समाजमा सकारात्मक सन्देश गएको बताउदै बैदेसिक रोजगारिमा जानुअघि सिप सिकेर मात्र जान सबैमा आग्रह गर्नुभएको छ । कार्यक्रममा जनक मा वि बिद्यालयका शिक्षकहरु,माईति नेपाल संस्थाका प्रतिनिधिहरु,स्थानियहरु एवं जनक मावि का बिद्यार्थिहरुको उलेख्यमात्रामा सहभागिता रहेको थियो ।
