काभ्रे,
ट्राफिक प्रहरीले काठमाडौँको रुटमा गाडी चलाउने दुई जना चालकलाई नक्क्कली सवारी चालक अनुमति पत्र लाइसेन्ससहित पक्राउ गरेको छ । काभ्रेपलाञ्चोक घर भइ हाल काठमाडौँको मनमैजु बस्दै आएका २३ वर्षका श्रीकृष्ण भुर्तेल र सिन्धुली घर भइ काठमाडौँको स्वयम्भु बस्ने २७ वर्षका भिमबहादुर स्याङतानलाई ट्राफिक प्रहरीले नियन्त्रणमा लिएको हो । काठमाडौँ उपत्यका ट्राफिक प्रहरी कार्यालयबाट खटिएको टोलिले ललितपुरको एकान्तकुनामा बा ४ ख ३८ ५१ नम्बरको बस चेक गर्ने क्रममा चालक अनुमति पत्र शङ्का लागि परीक्षण गर्दा नक्कली भएको खुलेको हो
त्यस्तै बैशाख १ गते जावलाखेलमा ट्राफिक नियम उल्लङ्घन गरी कारबाहीको लागि लिएको सवारी चालक अनुमति पत्र विद्युतीय माध्यमबाट चेक गर्दा कुनै पनि विवरण नभेटिएपछि भिमबहादुर स्याङतानलाई नियन्त्रणमा लिएको प्रहरीले जनाएको छ । दुबैजनालाई आवश्यक अनुसन्धानको लागि सवारी चालक अनुमति पत्रसहित प्रहरी वृत्त सिंहदरबार पठाइएको काठमाडौँ उपत्यका ट्राफिक प्रहरी कार्यालयका प्रवक्ता प्रहरी बरिष्ठ उपरीक्षक राजेन्द्र प्रसाद भट्टले जानकारी दिनुभयो ।
