काभ्रे,
रोशी गाउँपालिकाले आज १६ औँ गणतन्त्र दिवस झन्डोत्तलन दीप प्रज्वलन गरेर मनाएको छ । साथै गणतन्त्रको निम्ति आहुती दिने वीर सहिदहरु प्रती सम्मान व्यक्त गर्दै रोशी ९ मङ्गलटार बजार र रोशी ७ कटुन्जे आसपासमा सरसफाइ कार्यक्रम गरि मनाइएको छ । कार्यक्रमको अवसरमा रोशी गाउँपालिकाको अध्यक्ष दिनेश लामाले समाज रुपान्तरणको क्रममा, विकासको क्रममा जति पनि व्यबस्था आए जसमा अहिले संघीय लोकतान्त्रिक गणतन्त्रात्मक ब्यबस्था स्थापित भएको बताउनुभयो ।
यस क्रममा नेपाली आमाको धेरै सपूतहरुले आफ्नो ज्यानको आहुती दिए, धेरै सन्ततिहरु घाइते अपांग भएर स्थापित भएको व्यबस्था भएको त्यसैले यो ब्यबस्था बिश्वकै सर्बोत्कृस्ट व्यबस्था भएको बताउनु भयो । यो अवसरमा उक्त महान सपूत हरु प्रती उच्च सम्मान गर्दै रोशीले झन्डोत्तलन, दीप प्रज्वलन र सरसफाइ गरि मनाएको बताउनुभयो । त्यसै गरि उपाध्यक्ष मिमबहादुर वाइवाले गणतन्त्र दिवसको अवसरमा वीर सहिद प्रती उच्च सम्मान गर्दै स्वदेश तथा बिदेशमा रहनु भएका सम्पूर्ण नेपालीजनमा गणतन्त्र दिवसको अवसरमा शुभकामना व्यक्त गर्नुभएको छ । कार्यक्रममा प्रमुख प्रशासकिय अधिकृत राम बहादुर तामाङ, प्रबक्ता वसन्त तामाङ वडा नम्बर ८ का अध्यक्ष जित बहादुर लामा, ११ को लालकुमार पाखृन, इलाका प्रहरी कार्यालयको प्रमुख पन्चलाल गोले, कार्यपालिका सदस्य तथा कर्मचारीहरुको उपस्थिति रहेको थियो ।
