मंगलटारमा जेठ २४ गते महिला तथा प्रजनन स्वास्थ्य सम्बन्धि निःशुल्क शिविर हुने

रोशी गाउँपालिकाको आयोजनामा महिला तथा प्रजनन स्वास्थ्य सम्बन्धि निःशुल्क शिविर हुने भएको छ । रोशी गाउँपालिका वडा नं. ९ स्थित मंगलटार स्वास्थ्यचौकीमा जेठ २४ गते बिहान ९ः३० बजे देखि दिउँसो २ बजेसम्म शिविर सञ्चालन हुने भएको हो । क्यान्सर सोसाईटी नेपालको प्राविधिक सहयोगमा हुने एक दिवसीय शिविरमा प्रजनन स्वास्थ्य सम्बन्धि समस्या भएका महिलाहरुको स्वास्थ्य परीक्षण गरिनेछ । उक्त शिविरमा निःशुल्क महिला तथा प्रजनन स्वास्थ्य सेवाको साथै परामर्श समेत हुने मंगलटार स्वास्थ्यचौकी प्रमुख निशा बरालले जानकारी दिनु भएकोछ ।

रेडियो रोशी १०१.६ मेगाहर्ज

सामुदायिक रेडियो सेवा रेडियो रोशी १०१.६ मेगाहर्ज बि.स. २०७५ सालदेखि काभ्रेजिल्लामा संचालित रहेको छ । रोशी गाउँपालिका द्वारा स्थापित र नाङ्शाल एसोसिएसन नेपालद्वारा संचालित यश रेडियोले समृद्धिको लागि सञ्चार भन्ने मुल नारा बोकेर अगाडि बढिरहेको छ । काभ्रेको १३ वटै स्थानीय तहलाई लक्षित गरि स्थापना भएको यस रेडियोको क्षमता ५०० वाट रहेको छ । रेडियो रोशीलाई तपाईंले काभ्रे जिल्ला साथै आसपासका २० वटा भन्दा बढी जिलाबाट १०१.६ मेगाहर्जबाट, www.radioroshi.org.np र हाम्रो पात्रो एपमा रेडियो रोशी सर्च गरेर बिश्वको कुनै पनि कुनाबाट सुन्न सकिन्छ ।