काभ्रे,
बेथानचोक गाउँपालिका वडा नं ४ स्थित चलाल गणेश स्थानमा ढुंगाखानीबाट झरेको पहिरोमा पुरिएर अर्को एक जनाको पनि मृत्यु भएको जिल्ला प्रहरी कार्यालय काभ्रेले जनाएको छ । पहिरोमा पुरिएर गम्भिर घाइते भएकी ६५ वर्षीय ठूलीमाया तामाङको उपचारको क्रममा आज बिहान ८ बजे मृत्यु भएको जिल्ला प्रहरी कार्यालय काभ्रेकी प्रहरी नायब उपरीक्षक अन्जना श्रेष्ठले जानकारी दिनुभयो ।
यसअघि हिजो पहिरोले पुरिएर दुई जनाको घटनास्थलमै मृत्यु भएको थियो । चलालगणेशथान स्थित गणेशस्थान ढुंगाखानीबाट झरेको पहिरोमा परेर स्थानीय ४४ वर्षीय निर बहादुर तामाङ र ४० वर्षीया साबित्री तामाङको घटनास्थलमै मृत्यु भएको जिल्ला प्रहरी कार्यालय काभ्रेले जनाएको छ ।