काभ्रे,
जिल्ला प्रहरी कार्यालय काभ्रे आर्थिक बर्ष २०७९÷०८० को कार्यसम्पादन मुल्याङ्कनमा बागमती प्रदेशकै सर्वोत्कृष्ट भएकोे छ । बागमती प्रदेश प्रहरी कार्यालय हेटौंडाले बुधबार आयोजना गरेको कार्यक्रममा जिल्ला प्रहरी कार्यालय काभ्रे बागमती प्रदेशकै कार्यसम्पादनमा सर्वोत्कृष्ट भएको घोषणा गरेको हो । सर्वोत्कृष्ट घोषणा भएसँगै जिल्ला प्रहरी कार्यालय काभ्रेलाई प्रशंसापत्र तथा नगद पुरस्कारद्धारा सम्मान समेत गरिएको थियो । कार्यक्रममा बागमती प्रदेशका जि.प्र.का. नुवाकोट, धादिङ, बागमती प्रदेश प्रहरी तालि केन्द्र दुधौली र नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय रामनगर क्रमशः कार्यसम्पादनमा उत्कृष्ट भएको भन्दै प्रशंसापत्र प्रदान गरिएको थियो ।
कार्यक्रममा प्रदेश प्रहरी प्रवक्ता प्रहरी बरिष्ठ उपरीक्षक दिपक रेग्मीले गत आ.व. २०७९÷८० को कार्यसम्पादन सम्झौता समिक्षा तथा चालु आ.व. २०८०।०८१ को वार्षिक कार्यसम्पादन सम्झौताको बारेमा आफ्ना भनाईहरु प्रस्तुत गर्नुभएको थियो । त्यसैगरी, मातहत प्रहरी प्रमुखहरुले गत आ.व. को प्रगतिको तुलनात्मक प्रस्तुती प्रस्तुत गरेका थिए । चालु आ.व. को लागि बागमती प्रदेश अन्तर्गतका जिल्ला प्रहरी कार्यालय १०. बागमती प्रदेश प्रहरी तालिम केन्द्र दुधौली, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय रामनगर चितवन, नेपाल प्रहरी विशेष सुरक्षा गण रातोमाटे, बागमती प्रदेश प्रहरी गण हेटौडा गरी जम्मा १४ वटा कार्यालयका प्रमुखहरुसँग प्रदेश प्रहरी प्रमुखले कार्यसम्पादन सम्झौता गर्नुभएको थियो । जसअन्तर्गत जिल्ला प्रहरी कार्यालयको लागि ३७ वटा, ट्राफिकको लागि २१ र अन्य कार्यालयको लागि १३ वटा वार्षिक कार्यसम्पादन क्रियाकलापहरु प्रदान गरिएको छ ।
