काभ्रे,
नमोबुद्ध–४ स्थित जनक माध्यमिक विद्यालय यतिबेला सयपत्री र गोदावरी फूलहरुले सु–सज्जित बनेको छ । विद्यालयमा ‘पढ्दै कमाउदै कार्यक्रम’ अन्तर्गत विद्यार्थीहरुलाई सहभागी गराएर गरिएको फूलखेतीले आम मानिसहरुको मनै लोभ्याएको छ । विद्यार्थीले करिब २ रोपनी क्षेत्रफलमा सयपत्री फूलका १५ सय बोट रोपेका थिए । तिनै बोटमा सयपत्री ढकमक्क फूलेर सुनमा सुगन्ध थपिदिएको छ ।
फूलका फूलहरु तिहार लक्षित गरेर विक्री गर्ने विद्यालयको तयारी छ । ‘केहीले सम्पर्क समेत गरिसक्नुभएको छ, फूल मात्रै र माला समेत बनाएर विक्री गर्ने योजनामा छौं,’प्रति माला १ सय र फूल प्रतिकेजी ३ सय सम्म विक्री गर्ने लक्ष छ ’– विद्यालय संयोजक हरिहर अधिकारीले भन्नुभयो । जनक माविमा २०७८ चैत्रदेखि राष्ट्रपति शैक्षिक सुधार कार्यक्रम अन्तर्गत ‘पढ्दै कमाउदै कार्यक्रम’ लागू भएको थियो । विद्यालय संयोजक अधिकारीका अनुसार, कार्यक्रम अन्तर्गत बाख्रापालन, मौरीपालन, अदुवाखेती, कुखुरापालन गरिएको छ ।
