काभ्रे,
काभ्रे जिल्लाकै कान्छो नगरपालिका मन्डनदेउपुर नगरपालिकाकोे नबनिर्मित प्रशासकीय भवन राष्ट्रपति रामचन्द्र पौडेलबाट समुद्घाटन हुँने भएको छ । प्रशासकिय भवन समुदघाटनको सन्दर्भमा नगरपालिकाले आज पत्रकार सम्मेलन गरि फागुन २७ गते आइतबारका राष्ट्रपति पौडेलबाट भवनको सामुदघाटन गर्ने जानकारी गराएको हो । जिल्लाकै कान्छो नगरपालिकाको रुपमा २०७३ सालमा स्थापना भएको नगरले स्थापनाको ७ औ वर्षकै दिन पारेर प्रशासकीय भवनको समुद्घाटन गर्न लागेको हो। नगरपालिकाको वडा न ७ को मनमति डाँडामा नब निर्मित भवनको समुद्घाटनको तयारी तिब्र गतिमा भैरहेको छ। नगरपालिकाले २०८० साल असोज ३ गते संविधान दिवसको अवसर पारेर आफ्नै नवनिर्मित भवन बाट सेवा प्रदान गर्दै आइरहेको थियो।
नगरपालिकाको आन्तरिक श्रोत र समपुरक बजेट मार्फत प्राप्त बजेटबाट कुल १४ करोड २२ लाख ९४ हजार ९ सय ४२ रुपैयामा ठेक्का सम्झौता भएकोमा २०७९ पुस मसान्तमा ठेक्का सम्झौता बमोजिम सक्नुपर्ने भएता पनि कोरोनाकाल र आर्थिक मन्दी लगाएतका करण अन्तिम पटक थपिएको म्याद बमोजिम २०८० पुस मसान्तमा सकिने सम्झौता थियो। पालिकाको कार्यपालिका बैठकको निर्णय बमोजिम थपिएको संरचना सहित भवनको खर्च २ करोड ५ लाख ३३ हजार ३ सय ७५ भुक्तानी गर्न बाकि रहेको छ। सघीय समपुरकबाट १ करोड ८० लाख र जिल्ला समन्वय समिति काभ्रेबाट प्राप्त २ करोड र सघिय अनुदान बाट प्राप्त २ करोड ४० लाख रुपैया र बाँकी नगरको आन्तरिक श्रोतबाट भवन निर्माण सम्पन्न गरिएको हो।
