काभ्रे,
काभ्रे जिल्लाको पाँचखाल नगरपालिकामा बागमती प्रदेश स्तरीय तेश्रो बृहत स्काउट क्याम्प शुरु भएको छ । नेपाल स्काउट पाँचखाल नगरपालिकाको आयोजनामा हिजो विहिबार देखि १९ गते सम्म संचालन हुने गरी क्याम्प शुरु भएको क्याम्पको नगर प्रमुख महेश खरेलले शुभारम्भ गर्नुभएको हो । वडा नम्वर ४ मा रहेको दुग्धेश्वर माध्यमिक विद्यालयमा आयोजना गरिएको क्याम्पमा क्याम्पमा प्रदेश भित्रका जिल्लाका ३ सय ५ आवासीय रुपमा रहने गरी विभिन्न विद्यालयबाट कक्षा ६ देखि १२ सम्मका विद्यार्थी तथा युवाहरु, स्काउटहरु र क्रु सदस्यहरु गरी करिव ४ सय ५० जनाको सहभागिता रहेको छ ।
जेठ १९ गतेसम्म सञ्चालन हुने क्याम्पको हिजो पहिलो दिन उद्घाटन सहितका केहि गतिविधीहरु सम्पन्न भएका छन् । तालिमका लागि प्रशिक्षणमुलक कार्यक्रमका साथै एडभेन्चर गतिविधी आयोजना गरिएको छ । यस अघि यस्ता क्याम्प पाँचखाल नगरपालिकाको सर्वमंगला र पाँचखाल भ्यालीमा पहिलो र दोश्रो क्याम्प आयोजना गरिएको थियो ।
