काभ्रे,
काभ्रे जिल्लाको विकट महाभारत गाउँपालिका आजबाट पूर्ण विद्युतीकरण घोषणा भएको भएको छ । आज नेपाल विद्युत् प्राधिकरणका कार्यकारी निर्देशक कुलमान घिसिङ, ऊर्जा मन्त्री शक्तिबहादुर बस्नेत र गाउँपालिका अध्यक्ष कान्छालाल जिम्बाले उक्त सेवाका संयुक्त रुपमा प्रारम्भ गर्नुभएको हो । गाउँपालिका भित्रका ३ हजार ४ सय १७ वटै घर धुरीमा केन्द्रीय विजुली बत्ती पुगेको छ । आज जेठ ३१ गते बिहीबारबाट महाभारतका पुरै वडाका सबै घरधुरीमा पहिलो पटक मिटर जडान गरी विद्युत् उपलब्ध गराइएको हो ।
कार्यक्रममा बोल्दै कार्यकारी निर्देशक कुलमान घिसिङले नेपालमा उत्पादित बिजुली निर्यात गर्न लागेको बताउनुभयो । उँहाले बिजुलीको उपभोग बढाउन, लागत कम गर्न र निर्यात मार्फत मुलुक समृद्धि बनाउन प्रयत्न जारी रहेको बताउनुभयो । त्यसैगरी गाउँपालिका अध्यक्ष जिम्बाले जिल्लाकै अति विकट मानिएको महाभारत विद्युत्तको केन्द्रीय प्रसारण लाईनसँग जोडिएर उज्यालोमा बस्न पाउँदा हर्षित भएको बताउनुभयो ।
ऊर्जा मन्त्री शक्तिबहादुर बस्नेतले नेपालका सबै नागरिकहरुको घरमा सहज रुपमा बिजुली बत्ती पु¥याउने योजना सफल हुँदै गएको बताउनुभयो । यसअघि यहा लघु जलविद्युत्त आयोजना सञ्चालन भए पनि दिगो रुपमा सञ्चालन हुन सकेको थिएन् ।
