काभ्रे,
काभ्रे समाज युकेले असोज दोस्रो साता परेको अविरल बर्षासँगै आएको बाढीपहिरोबाट रोशीमा ज्यान गुमाउनेहरुको परिवारलाई बितरण गरिदिन भन्दै गाउँपालिका अध्यक्ष दिनेश लामालाई एकमुष्ट रुपमा रकम हस्तान्तरण गरेको छ । बुधबार समाजका कोषाध्यक्ष जीवन थापाले प्रति मृतकका पतिवारलाई १२ हजार ७ सयका दरले गाउँपालिकाका अध्यक्ष लामालाई एकमुष्ट नगद हस्तान्तरण गर्नुभएको हो ।
बाढीपहिरोमा परि गाउँपालिका भित्र १२ जनाले ज्यान गुमाएका छन् । प्रत्येक मृतकका परिवारलाई १२ हजार ७ सयका दरले एकमुष्ट एक लाख ५२ हजार ४ सय रुपैयाँ नगद काभ्रे समाज युकेबाट प्राप्त भएको अध्यक्ष लामाले बताउनुभयो ।
समाजलाइ धन्यवाद व्यक्त गर्नुहुर्दैै लामाले सो रकम छिट्टै नै मृतकका परिवारलाई उपलब्ध गराउने जानकारी दिनुभयो । “हाम्रो रोशीका नागरिक बाढी र पहिरोको कारण संकटमा छन् , हामी स्थानीय सरकारले मात्र सबैथोक गर्न सकिँदैन यो बेला सबैको सहयोगको आवस्यक छ”–अध्यक्ष लामाले भन्नुभयो । काभ्रे समाज युकेका कोषाध्यक्ष जीवन थापाले परिवारका सदस्य गुमाएका परिवारलाई आर्थिक सहयोग गर्न युकेमा रहेका नेपालीहरुसँग सहयोग संकलन गरेर ल्याएको बताउनुभयो । संकटमा हातेमालो गर्न र दुःख साट्नको लागि सहयोग गरेको उहाँकोे भनाई छ ।
समाजले जिल्ला भरिका मृतकका परिवारलाई नगद सहयोग गर्ने घोषण गरेको छ । सहयोग हस्तान्तरण गर्न समाजसेवी भोला थापा, महेश पौडेल लगायत उपस्थित भएका थिए ।
