चैत्र २,
२०७७,काभ्रे/

काभ्रे जिल्लाको रोशी गाउँपालिका वडा नं ८ किर्दासमा अवस्थित श्री देवीश्वरी प्राथमिक विद्यालयले आफ्नो ३३ औँ वार्षिकोत्सव मनाएको छ । वार्षिकोत्सवको अवसरमा कार्यक्रमका प्रमुख अतिथि प्रदेश सभा सांसद चन्द्र लामाले विद्यालयको नवनिर्मित भवन उद्धाटन गरेका थिए ।

नेपाल सरकार शिक्षा समन्वय ईकाई धुलिखेलको १६ लाख, हेन्स अन नेपाल र ईन्साफ मलेसीयाको १३ लाख साथै जनश्रम दान गरी कुल ५० लाखमा २ कोठे भवन बनेको विद्यालय व्यवस्थापन समितिका अध्यक्ष संगम लामाले जानकारी दिए ।

२०४५ सालमा स्थापित विद्यालयको शनिबार सम्पन्न वार्षिकोत्सव कार्यक्रममा जेष्ठ नागरिक साथै विद्यालयमा योगदान पुर्याएका व्यक्तिहरुलाई सम्मान पनि गरिएको थियो । यसरी सम्मानित हुनेमा ८६ वर्षिय जेष्ठ नागरिक बाबु लाल तामाङ रहेका छन् । यस्तै सम्मानित हुनेहरुमा संस्थापक अध्यक्ष कुन्साङ लामा, मरणोपरान्त सम्मानमा कर्म सिं लामा, स्वर्गी छत्र बाहदुर लामा, स्वर्गीय तीर्थबाहदुर लामा, तर्क बाहदुर लामा, पूर्व शिक्षक एवं प्रधानाध्यापक त्रय राजेन्द्र प्रसाद अधिकारी, हरिबोल खतिवडा, बलराम खतिवडा रहेका छन् ।
यस्तै विद्यालयका वर्तमान प्रधानाध्यापक धर्मलाल मैनाली, शिक्षक त्रय सानू कुमारी लामा, रोज बहादुर लामा, निरमाया लामा, विद्यालयका पूर्व शिक्षकद्वय तिर्थ राज थिङ, सर्मिला पाण्डे रहेका छन् । उनिहरुलाई कार्यक्रमका प्रमुख अतिथि सांसद लामाले खादा र प्रमाणपत्र सहित सम्मान गरिएको थियो ।

कार्यक्रममा रष्ट्रिय युवा संघको उप–महासचिव योगेन्द्र लामा, नेपाल चलचित्र द्घन्द कलाकार संघका पूर्व केन्द्रीय अध्यक्ष सुर्य थोकर, सामुदायिक विद्यालय व्यवस्थापन महासंघ नेपाल बागमती प्रदेश कमिटी सदस्य पार्वती खड्का, विभिन्न संघ संस्थाका प्रतिनिधि, स्थानिय समाजेवी, बुद्घिजीविहरुको उपस्थिति रहेको थियो । कार्यक्रममा राष्ट्रिय तथा स्थानिय कलाकारहरुले वेजोड प्रस्तुति दिएका थिए ।

Facebook Comments Box