चैत्र ११,
२०७७,सोलुखुम्बु/

दुर्लभ वन्यजन्तु रेडपाण्डा(हाब्रे)को छाला सहित सोलुखुम्बुको महाकुलुङबाट तीन जना पक्राउ परेका छन् । सात वटा रेडपाण्डाको छाला र पाँच वटा पासो सहित उनीहरुलाई घरैबाट पक्राउ गरेको सोलुखुम्बु प्रहरीले जनाएको छ । पक्राउ पर्नेहरुमा महाकुलुङ गाउँपालिका–२ का ७६ वर्र्षीय बृद्ध जगत बहादुर राई, सोही गाउँपालिका वडा नम्बर–३ का ५६ वर्षीय कविर शंकर राई र ५७ वर्षीय मितुरधन राई रहेका छन् ।

सोमबार साँझ पक्राउ परेका उनीहरुलाई बुधबार आयोजीत पत्रकार सम्मेलन मार्फत सार्वजनिक गरिएको हो ।
मकालु बरुण राष्ट्रिय निकुञ्ज मध्यवर्ती क्षेत्र बफरजोन भित्र गैह्रकानुनी रुपमा वन्यजन्तुको चोरी शिकारी गरि मार्ने, आखेटोपहार लुकाई छिपाई राखी खरिद बिक्री गर्ने तथा ओसार पसार गर्ने गरेको भन्ने सूचनाको आधारमा पक्राउ गरिएको जिल्ला प्रहरी कार्यालय सोलुखुम्बुका प्रहरी प्रमुख प्रहरी नायव उपरीक्षक कवित कटुवालले जानकारी दिए ।

अनुशन्धानको लागि पक्राउ गरि जिल्ला प्रहरी कार्यालय ल्याइएका तीनै जनालाई कानुनी कार्वाहीका निम्ती राष्ट्रिय निकुञ्ज पठाईने प्रनाउ कटुवालको भनाई छ । राष्ट्रिय निकुञ्ज तथा वन्यजन्तु संरक्षण ऐन २०२९ को दफा २६ को १ अनुसार निजहरुलाई ५ लाख देखि १० लाख सम्म जरिवाना वा पाँच वर्ष देखि १५ वर्ष सम्म कैद सजाय या दुवै हुन सक्ने कानुनी प्रावधान छ ।

Facebook Comments Box