काभ्रे,
पनौती नगरपालिका वडा नम्बर ५ सुन्दर बस्तीमा सवारी दुर्घटना हुँदा एक जनाको मृत्यु भएको छ । काठमाण्डौबाट पुर्व ईलामतर्फ जाँदै गरेको बा ६४ प १७७२ नम्बरको मोटरसालइकललाई सोही दिशा तर्फजाँदै गरेको बा. प्र. ०३–००१ ज ०२९८ नम्बरको ईलेक्ट्रोनिक गाडिले ठक्कर दिएर भाग्ने क्रममा गाडी सडक कुनाको नालिमा खस्दा दुर्घटनामा परेको हो । जिल्ला प्रहरी कार्यालय काभ्रेका अनुसार आज विहान दुर्घटना भएको हो । घाईते मध्ये ईलेक्ट्रिक गाडीमा सवार रामेछापको मन्थली नगरपालिका वडा नम्बर १२ की २० बर्षीय रमिला बुढाथोकीको उपचारको क्रममा धुलिखेल अस्पतालमा मृत्यु भएको छ । सोही गाडीमा सवार अन्य ६ जना घाईते भएका छन् ।
त्यसैगरि मोटरसाइकल चालक ईलामको थाकथुम गाउँपालिका वडा नम्बर ३ का ४० बर्षीय राम कुमार राई र उहाँकी श्रीमती अन्दाजी ३९ वर्षीय प्रविशा सुनुवार घाईते भएका छन् । घाईतेहरुको धुलिखेल अस्पतालमा उपचार भैरहेको छ ।
