काभ्रे,
अविरल बर्षापछिको काभ्रेपलाञ्चोकको रोशी गाउँपालिकाको बिपी राजमार्गमा परेको विपत्तिमा आफ्नो ज्यानको प्रवाह नगरी सेवा गर्ने युवालाई सडक विभागले सम्मान गरेको छ ।
असोज १० देखि १२ सम्म परेको अविरल बर्षामा बिपी राजमार्ग सुचारु गर्न सहयोग गर्ने गौरव तामाङलाई सम्मान गरिएको हो । भौतिक पुर्वधार तथा यातायात मन्त्रालय सडक विभागले रोशी गाउँ पालिका वडा न ७ निवासी समाजिक ब्याक्तित्व गौरब तामाङ लाई प्रशंसा पत्र बाट सम्मान गरिएको मन्त्रालयले जनाएको छ ।
माननीय मन्त्री देवेन्द्र दाहाल, सडक विभागको निर्देशक रामहरी पोखरेल, सचिव केशव कुमार शर्मा र सडक सुपरिटेन्डेन्ट इन्जिनियर शुभराज न्यौपानेले तामाङलाई सम्मान पत्रले सम्मान गर्नुभएको हो ।
रोशी गाउँपालिका वडा नं ७ का स्थायी बासिन्दा तामाङले निरन्तर बिपी राजमार्ग आसपास विपत्तिमा परेकाहरुलाइ हर तवरबाट सहयोग गर्दै आउनु भएको थियो । विपद्पछि अति आवश्यक वस्तु देखि राजमार्ग सुचारु गर्नको लागि तामाङ निरन्तर फिल्डमै खट्नु भएको थियो ।
तामाङले आफ्नो परिवारले अप्ठारोमा परेका व्यक्तीलाई सहयोग गर्न सिकाएकाले आफूले सहयोग गरेको बताउनुभयो । उहाँले सम्मानपत्र पाउने र सम्मानित हुने भनेर सहयोग नगरेको र सहयोग गर्न पाउनुनै आफ्नो अहोभाग्य भएको उल्लेख गर्नुभयो ।
उहाँले रोशी गाउँ पालिका पुर्व अध्यक्ष डिबी लामा दाइ निरन्तर जनताको लागि लागिरहेको देखेर मनले आफुलाइ पनि बिपदमा कसरी सहयोग गर्न सकिन्छ भन्ने प्रेरणा मिलेर बिना स्वार्थ सहयोगमा उत्रिएको बताउनुभयो ।
आफू बाढी बर्षामा भएको समयमा रोशीमै रहेको र त्यो समय कसरी कुन तरिकाले सहयोग गर्न सकिन्छ भनेर रात दिन खटिएको सरोकार निकायले कदर गरेकोमा खुशी लागेको बताउनुभयो । सम्मान गर्नु राम्रो कुराको सुरुवात भएपनि आफूले सम्मान पाउने भनेर सहयोग नगरेको बताउनुभयो ।
विपद्पछि अति आवश्यक वस्तु देखि राजमार्ग सुचारु गर्नको लागि तामाङ निरन्तर फिल्डमै खट्नु भएको थियो ।– काभ्रे हेडलाईनबाट साभार
