काभ्रे,
परराष्ट्र मन्त्रालयका सचिव अमृतबहादुर राईले मध्यपूर्वी देशमा समस्यामा परेका नेपालीहरुको उद्धार गर्न सरकार सक्षम रहेको बताउनुभएको छ । इजरायल–अमेरिका र इरानबीचको युद्धका कारण मध्यपूर्वी देशमा रहेका नेपालीको उद्धारका लागि सरकार तयार रहेको उहाँले बताउनुभएको हो ।
बुधबार पत्रकार सम्मेलनमा सचिव राईले ती देशमा समस्यामा परेका नेपालीको उद्धारका लागि सबै संयन्त्र परिचालन गरिने बताउनुभएको हो । उहाँले आवश्यक परेको खण्डमा पानीजहाज भाडामा लिएर भए पनि समस्यामा परेका नेपालीहरुको उद्धार गरिने बताउनुभएको हो । त्यसका लागि सरकार तयार रहेको उहाँको भनाई छ ।
