काभ्रे,रेडियो रोशी,
रोशी गाउँपालिकाले पालिकाभित्रका अपाङ्गता भएका व्यक्तिहरूको उत्थान र पुनःस्थापनाका लागि ‘समुदायमा आधारित पुनःस्थापना’ (सि.वि.आर) कार्यक्रम सञ्चालन गर्ने भएको छ । गाउँ कार्यपालिकाको कार्यालयले आज एक सूचना जारी गर्दै यस कार्यक्रममा साझेदारी गर्न इच्छुक र योग्य संस्थाहरूबाट प्रस्ताव आह्वान गरेको हो। मिति २०८२÷१२÷५ गते बसेको बैठकले उक्त कार्यक्रमका लागि रु. ३,००,००० (तीन लाख) रुपैया विनियोजन गर्ने निर्णय गरेको थियो। अपाङ्गता भएका व्यक्तिहरूद्वारानै सञ्चालित संस्थाहरूलाई प्राथमिकता दिँदै यो कार्यक्रम अघि बढाउन लागिएको हो।
इच्छुक संस्थाहरूले यो सूचना प्रकाशित भएको मिति (२०८२÷१२÷०८) ले १५ दिनभित्र आवश्यक कागजात सहित रोशी गाउँपालिकाको कार्यालयमा प्रस्ताव पेश गर्न गाउँपालिकाका प्रमुख प्रशासकीय अधिकृत टंक बहादुर नेगीद्धारा हस्ताक्षरित सूचनामा भनिएको छ ।
कार्यक्रम संचालनका लागि साझेदार संस्था हुन चाहिने योग्यताहरूः
१. संस्था अपांगता भएका व्यक्तिहरुद्धारा संचालित हुनु पर्ने र विधानमा नै सबै अपांगता भएका व्यक्तिका लागि काम गर्ने उद्देश्य भएको हुनुपर्ने,
२. अपांगता भएका अविभावकहरुको संस्थाको हकमा भने बौद्धिक अपांगता, अटिजम, दृष्टिविहिन, डाउन्ससिन्ड्रोम र बहुअपांगता भएका व्यक्तिका लागि अविभावकहरुको संस्था हुनुपर्ने,
३. संस्था सम्बन्धित जिल्ला प्रशासन कार्यालयमा दर्ता भएको हुनु पर्ने र हरेक वर्ष नियमित नविकरण गरेको हुनुपर्ने,
४. संस्था समाज कल्याण परिषदमा आवद्ध र नियमित नविकरण भएको हुनुपर्ने,
५. संस्था स्थानीय तहमा सुचिकृत भएको हुनुपर्ने,
६. संस्थागत अपांगता क्षेत्रमा कम्तीमा २ वर्ष काम गरेको अनुभव हुनु पर्ने र नियमित लेखापरीक्षण गरेको हुनु पर्ने,
७. संस्था वा संस्थामा काम गर्ने, वर्तमान पदाधिकारी, कर्मचारी या स्वयंमसेवक कुनै लैगिंक तथा यौन दुव्र्यवहार, भेदभाव जन्य कामहरु, भ्रष्टाचार, गैरकानूनी काम वा कुनै प्रकारको फौजदारी कसुरको आरोप नलागेको वा कसुर ठहर नभएको हुनुपर्ने ।
छनोट हुने संस्थाले संचालन गर्नु पर्ने कामहरुः
१. खण्डिकृत तथ्यांक संकलन गर्ने,
२. उपयुक्त तथ्यांक व्यवस्थापन तथा विश्लेषण प्रणाली निर्माण गर्ने,
३. अपांगता भएका व्यक्तिहरुकोे प्राविधिक नाप जाँच सहितको तथ्यांक राख्ने,
४. सहायक सामाग्री खरिदका लागि बजेट व्यवस्थापन गर्ने,
५. परिचयपत्र वितरणको लागि एकिकृत घुम्ती टोली परिचालन गर्ने,
६. अपांगता भएका व्यक्ति लक्षित सीप विकास र रोजगारी समबन्धि कार्यक्रमहरु संचालन गर्ने।
